Кадамжайда "Алмаз" тойканасынан уулангандардын саны 108ге жетти
Кадамжай районундагы "Алмаз" тойканасынан уулангандардын саны 108 болду. Бул тууралуу Санитардык эпидемиологиялык көзөмөл кызматынан кабарлашты.
"Бүгүн, 2-августка карата тойканадагы тамактан уулангандардын саны 108ге жетти. Алардын ичинен 23ү (2 жаш бала) азыркы учурда стационардык дарыланууда, 85 пациент (1 жаш бала) амбулатордук дарыланууда. Бейтаптардын абалы канааттандырарлык, реанимация бөлүмүндөгү 2 жаш баланын абалы жакшырып, инфекция бөлүмүнө жайгаштырылды", - деп билдирет басма сөз кызматы.
Эске салсак, 30-июлда Кадамжайдагы "Алмаз" тойканасында 250 адамды чогулткан үйлөнүү той болуп, анын кесепетинен тойго барган 89 адам тамактан ууланганы маалымдалган.
