Чүйдө массалык мушташ катталып, 17 жаштагы өспүрүм сабалган
Панфилов районунда өспүрүмдөр арасында массалык мушташ катталып, шектүү кармалды. Бул тууралуу Чүй ОИИБден билдиришти.
Маалыматка караганда, 27-декабрда түнкү саат 01:47 чамасында милицияга Кайыңды шаарындагы массалык мушташ боюнча маалымат түшкөн. Жерине барган милиция Кайыңды менен Панфиловканын өспүрүмдөрүнүн арасында мушташ болуп, ок атылганы маалым болгон. 2005-жылы туулган өспүрүм сабалып, телефону жоголгон. Аталган факты боюнча кылмыш иши козголгон. Кылмышка шектелип, 2002-жылы туулган жигит кармалып, камакка алынды. Учурда тергөө уланууда.
[gallery link="file" columns="1" size="full" jnewsslider="true" ids="155711,155712"]
