Бишкекте "акчаны көбөйтүп берем" деген аялга ишенген жаран 4,5 миң долларын берген. Шектүү кармалды
Бишкекте алдамчылыкка шектелген жаран кармалды. Бул тууралуу Ленин РИИБден билдиришти.
Маалыматка караганда, 20-сентябрда милицияга аял киши кайрылып, 31-августта анын ишенимине кирип, "акчаны көбөйтүп берем" деп 4,5 миң долларын алып, из жашырган аялга чара көрүүнү суранган. Аталган факты боюнча кылмыш иши козголгон.
Кылмышка шектелип, 1980-жылы туулган жаран кармалып, камакка алынган. Тергөө уланууда.
