Ошто Мунарбек Сейитбек уулунун күйөрмандары чогулушту (видео)
Боксчу Мунарбек Сейитбек уулу Париждеги Олимп оюндарынын финалына чыккан. Анын финалдык беттеши бүгүн, 11-августта болот.
Беттешти күтүп жаткан Оштогу күйөрмандары жана машыктыруучусу чоң экрандын алдына чогулушту.
Эске салсак, кыргызстандык спортчу беттешин 1/8 финалдык баскычтан баштап, 1-августка караган түнү кубалык Сайдель Хортаны утуп, чейрек финалга чыккан. Сейитбек уулу 4-августка караган түнү АКШлык Жамал Харви менен беттешип, кайрадан жеңишке жеткен.
9-августка караган түнү анын атаандашы болгариялык Хавьер Ибанес Диас болду. Үч раунддун жыйынтыгында калыстардын чечими менен жеңишти кыргызстандыкка беришти. Мунарбек Сейитбек уулу Олимпиада оюндарынын финалына чыккан.
