Бүгүн, 5-февралда Саламаттыкты сактоо министрлигинин имаратынын жанында Алымкадыр Бейшеналиевдин кызматтан кетишин талап кылган митинг өттү. Каршылык акцисына 4-оорукананын дарыгерлери жана бейтаптардын жакындары чыгышты. "Министрге байланыштуу ызы-чуудан улам биздин операцияларды токтотуп коюшту. Биз Сабырбек Жумабековду жайына коюшун талап кылабыз. Ал иштей берсин. Бизге Алымкадыр Бейшеналиевдин реформалары керек эмес. Андан көрө отставкага ошол кетсин", - деди митингге катышкандардын бири. [gallery link="file" columns="1" size="large" jnewsslider="true" ids="96322,96329,96323,96333,96330,96331,96332,96328,96334,96336"] Буга чейин саламаттыкты сактоо министри Алымкадыр Бейшеналиев аталган борбор Шаардык клиникалык тез жардам ооруканасы болуп кайра түзүлөрүн билдирген. Кайра түзүлсө, жетекчи алмашарын айткан. Буга каршы болгон ак халатчандар 3-февралда оорукананын алдында митинг өткөрүштү. 4-февралда министр Жумабековдун кызматтан алынганын айтты. Ал эми анын ордуна жаңы дайындалган жетекчини ооруканага киргизбей коюшту.