Милиция "мал жайып, көгөрүп кеткен нан жеп жүрөт" деген бала боюнча териштирүү жүрүп жатканын билдирди
Социалдык тармактарда "атасы мал жайдырганга таштап кеткен" деген баланын видеосу тарады.
Видеонун авторунун айтымында, ал 2-класстын окуучусу. “Атасы мал жайдырганы таштап койгон. Катып калган, көгөрүп кеткен нан жеп жүрөт. Дыйкандар келип, азык-түлүк таштап кетишет. Үстүндө кийими дагы жок, түнү коркуп чатырдын үстүнө чыгып жатат. Ата-энеси тарабынан толук кандуу камсыздандырылбай, кордолуп жатат”, - деген видеонун автору.
Видео боюнча Талас ОИИБге кайрылганыбызда, жеринде Айтматов РИИБдин кызматкерлери иштеп жатканын, кошумча маалымат беришерин билдирди.
