Кечээ "Дордой Моторс", бүгүн "Ош базарынын" соодагерлери нааразылык акцияга чыгышты
Бүгүн, 11-июнда Бишкектеги “Ош базарынын” соодагерлери электрондук коштомо кагазды (ЭТТК) жана электрондук эсеп-фактураны (ЭЭФ) колдонууга каршылыгын билдирип, нааразылык акцияга чыгышты. Соодагерлер патент системасын калтырууну талап кылышууда.
Алар көзөмөл-кассалык машиналарды (ККМ) колдонууга каршы эмес экенин айтышып, убактылуу иш ташташканын да билдиришти.
Кечээ, 10-июнда Бишкектеги “Дордой Моторс” базарынын соодагерлери да ушундай эле талаптар менен акцияга чыгышкан.
