21-апрелде Бишкектин айрым райондорунда суу жок болот. Көчөлөрдүн тизмеси
21-апрелде борбор калаанын айрым райондорунда суу берүү убактылуу токтотулат. “Бишкек суу канал” өндүрүштүк-эксплуатациялык башкармалыгынын маалыматына ылайык, 21-апрелде саат 9:00дөн 15:00гө чейин төмөнкү райондордо суу берүү токтотулат:
- Ала-Арча дарыясы - темир жол линиясы - Жибек Жолу проспектиси – Жаш Гвардия бульвары;
- Жаш Гвардия бульвары - темир жол линиясы – Фрунзе көчөсү - Манас проспектиси;
- Дэн Сяопин проспектиси - Ала-Арча дарыясы – Бөкөнбаев көчөсү - Кулиев көчөсү - Москва – көчөсү – Фучик көчөсү - Казаков көчөсү.
Бул “Батыш-2” суу алгычында жана шаардагы суу түтүктөрүндө оңдоо-профилактикалык иштерге байланыштуу аргасыз чара. Мэрия келтирилген ыңгайсыздык үчүн кечирим сурайт жана калкты, мекемелерди ичүүчү суу камдап алуусун суранат.
