Селден улам Сузак районуна 3-даражадагы өзгөчө кырдаал режими киргизилди
20-апрелден 24-апрелге чейин жааган жаандан улам Сузак районунун Барпы, Кызыл-Туу, Сузак айыл өкмөттөрүндө турак жайлардын короолорун сел суулар каптады. Бул тууралуу ӨКМден билдиришти.
Мындан тышкары, Көк-Арт дарыясынын суунун дээңгели көтөрүлүп, бир топ аймактарга кооптуулук жараткандыгы үчүн Сузак районуна райондук Жарандык коргоо башчысынын буйругунун негизинде 3-даражадагы өзгөчө кырдаал режими киргизилди. Учурда селден жабыркаган жергиликтүү тургундардын турак жайлардагы сел суулар мотопомпанынын жардамында сордурулуп, коопсуз жайга чыгарылууда.
Сел сууга агып келген мал жандыктардын, үй-канаттууларынын өлүгү тиешелүү кызматтар тарабынан заласыздандырылып, айыл ичин дезинфекция иштери жүргүзүлүүдө.
[gallery link="file" columns="1" size="full" jnewsslider="true" ids="239043,239044,239045,239046,239047"]
