Мэрия: "1-июлдан баштап автобус жана троллейбустарда накталай төлөм жүргүзүү мүмкүн болбой калат"
1-июлдан тарта Бишкектин коомдук муниципалдык транспортторунда накталай төлөмдөр алып салынат. Бул тууралуу шаардык мэриядан кабарлашты.
Эми 1-июлдан тарта муниципалдык транспортто жол киреге накталай акча кабыл алынбай, Тулпар толук иштей баштайт. Жүргүнчүлөргө накталай эмес төлөм ыкмаларын тандоо сунушталат.
Сиз жол кирени төмөнкү жолдор менен төлөй аласыз:
- үч категориядагы Тулпар транспорттук карталары (стандарттык, мектептик, жеңилдетилген);
- Кыргызстандын бардык банктарынын VISA жана ЭЛКАРТ контактсыз карталары;
- виртуалдык NFC картасы;
- Tulpar жана Balance тиркемесинде QR сканерлөө;
- Тулпар тиркемесинде транспорттук кодду киргизүү менен.
