Май айынын башынан бери Кыргызстанда кумшекер 9 сомго кымбаттады. Мындай маалыматты Улуттук статистикалык комитет билдирди.

Эгерде 2-майга карата өлкөдө кумшекердин орточо баасы 86,38 сом болсо, 30-майда 95,38 сомго жеткен. Мында продукциянын баасы эң көп Токтогулда (17,7 сомго), Балыкчыда (14,2 сомго), Бишкекте (12,73 сомго) кымбаттаган. 

Ошол эле учурда кумшекер, тескерисинче, арзандап кеткен аймактар ​​бар. Булар Ош (5,05 сомго), Кара-Суу (2,34 сом) жана Өзгөн (1,37 сом). Буга чейин канттын баасынын негизсиз өсүшүнө жол бербөө максатында Монополияга каршы жөнгө салуу кызматы республиканын бардык аймактарында мониторинг жүргүзгөн. Талдоо көрсөткөндөй, өлкөдө канттын тартыштыгы жок, бирок анын баасы көтөрүлө баштаган.