Жаштар саясатын өнүктүрүү, улуттун улуу маданий, руханий дөөлөттөрүн байытуу максатында “Ысык-Көл жаштар клубу” коомдук бирикмеси Жусуп Абдрахмановдун 121 жылдыгына карата “Кыргызстан кечээ, бүгүн жана эртең” аттуу интеллектуалдык таймаш өткөрдү. Бул тууралуу СЕРЕП МЕДИА маалымат агенттигине аталган бирикмеден билдиришти. Иш-чарага Бишкек шаарындагы жогорку окуу жайлардын студенттери жана Каракол шаарынын окуучулары катышкан. Жалпысынан 14 команда катышып, анын ичинен 4 команда байгелүү орундарга ээ болушту. Алар: 1-орун “Идеал” командасы 2-орун “My name is Chiki” командасы 3-орун “Элдин балдары” жана “Асман 303” командалары.