Бишкекте бүгүн Куран майрамы өтөт
Кыргызстан мусулмандарынын дин башкармалыгы бүгүн, 11-майда «Курандан дилим тазарат» аттуу Куран майрамын өткөрөт. Бул тууралуу Муфтияттан билдиришти.
Маалыматка караганда, Куран майрамы саат 10:00дө Токтогул Сатылганов атындагы Кыргыз Улуттук филармониясыда өтөт. "Бул күнү өлкө аймагынан тандалган мыкты карылар Куран окуса, белгилүү дин аалымдары аяттарды тавсирлеп, чечмелеп, түшүндүрүп берет", - деп айтылат маалыматта.
