Караколдо Айт намазга кеткен бойдон дайынсыз болуп жаткан өспүрүм табылды. Бул тууралуу Ысык-Көл ОИИБден билдиришти. Маалыматка караганда, 3-май күнү Каракол ШИИБге жергиликтүү жаран кайрылып, 2-майда 2010-жылы туулган баласы Айт намазына чыгып кеткен бойдон дайынсыз болуп жаткандыгын билдирген. Маалымат ШИИБге катталып, издөө чаралары башталган. Көрүлгөн иш-чаралардын жыйынтыгында 11 жаштагы бала аман-эсен Каракол шаарынын борборунда жайгашкан компьтердик клубдардын биринен ошол эле  күнү табылган. Табылган өспүрүм Айт күнү айттап кетип, кеч болуп кеткенинен үйүнө баргандан коркуп, компьютердик клубга барганын билдирген. Бала ата-энесине өткөрүп берилди. Ал эми копьтердик клубдун устүнөн тиешелүү чара көрүү үчүн балдар менен иштөө комиссиясына сунуш жиберилген.