Пакистандын полиция бөлүмүндөгү жардыруулардан кеминде 16 адам каза болду
Пакистандын Кабала шаарындагы антитеррордук департаменттин полиция бөлүмүндө болгон жардыруулардан кеминде 16 полиция кызматкери набыт болуп, 60тан ашуун киши жарадар болгонун полицияга таянуу менен Пакистан радиосу билдирди.
«Эки жардыруудан 16 адам шейит болду, дагы 60 киши жарадар болду», - деп билдирет радиостанция. Белгиленгендей, жардыруулардын натыйжасында полиция бөлүмүнүн имараты толугу менен талкаланган.
