Орусиянын Эл артисти, ырчы жана композитор Александр Градскийдин өлүмүнө мээ инфаркты себеп болгон. Бул тууралуу "112" Telegram-каналы жазып чыкты.

Маалым болгондой, музыкант 26-ноябрда инсульт болуп ооруканага түшүп, жандандыруу бөлүмүндө жаткан. Эки күндөн кийин, 28-ноябрга караган түнү Градский эсине келбей, 73 жашында каза болду. Ал сентябрь айында коронавирустук инфекцияга чалдыккан жана анын ден соолугунун начарлашына дал ошол вирус алып келгени болжолдонууда.

Александр Градский — орус жана советтик ырчы, популярдуу ырлардын автору жана композитор. Ал 1997-жылы Орусиянын Эмгек сиңирген артисти наамын алган. Эки жылдан кийин ал Орусия Федерациясынын Эл артисти болгон. Акыркы жылдары Градский «Голос» телеберүүсүндө насаатчы болгон.