Кытайда улгайган адамдарга жардам берүүчү робот жасалды
Кытайдын Fourier Intelligence компаниясы улгайган адамдарга жардам берүүчү робот жасады.
Жүк ташуудан тышкары, робот реабилитациялык бөлүмдөрдөгү бейтаптарды кароо жана физиотерапияга жардам бере алат. Бейтаптар роботту кармай алышат, бул үчүн атайын кызгылт көк кармагычтар түзүлгөн.
Иштеп чыгуучу компаниянын өкүлү 2023-жылдын аягына чейин GR-1 үлгүсүндөгү 100 робот чыгарууну пландап жатканын билдирди. Fourier Intelligence GR-1 50 килограммга чейинки жүктөрдү көтөрө алат деп ишендирди.
Компания алгачкы 100 роботту изилдөө лабораторияларына жөнөтүүнү пландап жатат.
