20 миллиард долларга тете байлык! 300 жыл мурун чөгүп кеткен кеме табылды
Колумбиянын президенти Густаво Петро Кариб деңизинин түбүнө 300 жыл мурун чөгүп кеткен испаниялык "Сан-Хосе" кемесин алып чыгууну тапшырды. Ал кемеде 4 миллиард доллардан 20 миллиард долларга чейин бааланган кенч бар. Бул тууралуу Колумбиянын Маданият министри Хуан Дэвид билдирди.
Президент 2026-жылы мөөнөтү аяктаганга чейин кемени чыгарууга үмүттөнөт деди ал. Ал үчүн чиновниктерден мамлекеттик-жеке өнөктөштүк түзүүнү же жеке фирма менен келишим түзүүнү суранган.
1708-жылы жайында "Сан-Хосе" британиялык кеме менен салгылашууга катышып, чөгүп кеткен. Кемеде 600 адам, ошондой эле алтын, күмүш, асыл таштар жана башка баалуу буюмдар салынган сандыктар болгон. Кеме 2015-жылга чейин дайынсыз деп эсептелип, Колумбиянын деңиз флоту өлкөнүн аймактык сууларынан анын сыныктарын тапканын жарыялаган.
