Карл III расмий түрдө Улуу Британиянын падышасы деп жарыяланды
Лондондо британдык жаңы монархтын тактыга расмий киришүү аземи башталды. Карл III падыша болуп жарыяланганын Интерфакс агенттиги жазды.
Иш-чара Сент-Жеймс сарайында өтүп жатат. Ага жогорку даражалуу саясатчылар жана башка расмий адамдар катышууда.
Карл III 8-сентябрда ханыша Елизавета II каза болгондон кийин падыша болду. Ал эми акыркы сапарга узатуу качан болору азырынча тактала элек.
