“Ирина Кайратовна” тобунун мобилографынын каза болушу. Окуянын видеосу тарады
Казакстандын “Ирина Кайратовна” тобунун мобилографы сахнада көз жумган. Окуя кечээ, 14-октябрда кечинде Астанада концерт башталар алдында болгон.
Маалым болгондой, 21 жаштагы мобилограф сахнадан эс-учун жоготуп кулап, каза болгон. Иш-чара токтотулган.
“Биз үчүн айтуу абдан кыйын болуп жатат. Мобилограф сахнада кулап түштү. Көрсөңөр керек, ал каза болду. Ошондуктан, тилекке каршы, бүгүн концерт коё албайбыз. Келгениңизге чоң рахмат”, — деген "Ирина Кайратовна" тобунун мүчөсү Азамат Маркленов. Учурда социалдык тармактарда окуянын видеосу тарап жатат.
