Индиянын космостук кемеси Айдан тартылган алгачкы сүрөттөр менен бөлүштү
Индиянын "Чандрян-3" космостук кемеси бул ирет Айдагы алгачкы сүрөттөр менен бөлүштү. Сүрөттөрдөн Айдын бетин жана анда калган кеменин издерин көрүүгө болот.
Буга чейин "Чандрян-3" космостук кемеси Айга ийгиликтүү конуп, Айдын түштүк уюлундагы температура боюнча илимий маалымат берген. Анда аппаратка Ай топурагынын температурасын он сантиметр тереңдикте өлчөй ала турган механизм орнотулган. Спутниктин бетиндеги температура Цельсий боюнча 20дан 30 градуска чейин болушу мүмкүн деп ойлошкон, бирок ал 70 градусту көрсөткөн. Илимпоздор үчүн бул көрсөткүч күтүүсүз болгон.
