Индияда мейманканада өрт чыгып, 14 адам каза болду
Индиянын Калькутта шаарында Rituraj мейманканасында чыккан өрттөн 14 адам каза болгонун NDTV билдирди.
Өрт кечээ, 29-апрель күнү кечинде шаардын борбордук бөлүгүндө болгон. "14 адамдын жансыз денеси табылып, бир нече адам куткарылды. Окуяны иликтөө үчүн атайын топ түзүлдү", - деди полициянын басма сөз катчысы журналисттерге.
Өрттүн себеби азырынча аныктала элек.
