Англияда ак чардак дүкөндөн 17 килограмм азыкты уурдап кеткен
Улуу Британияда ак чардак бир жыл аралыгында дүкөндөн 17 килограммдык азыкты уурдап чыккан. Бул тууралуу чет элдик басылмалар жазып чыгышты.
Улуу Британиянын Девон графтыгында ак чардак күнүнө 2-3 жолу дүкөнгө кирип отуруп бир жылда 300 фунт стерлингге бааланган (30 миң сомдун тегерегинде), жалпы салмагы 17 килограммга жеткен азыктарды уурдап чыккан.
Жергиликтүү тургундар ак чардактын мындай "кылыгына" көнүп бүтүшкөн. Дүкөндүн кызматкеринин айтымында, ак чардак күнү 3 жолу келет. Сырдан жасалган азыктарды жакшы көрөт. Ал кардарлар келгенде эшик ачылары менен кирет да, сырдан жасалган азыктарды алып чыгат.
