Америка кошмо штаттары Борбор Азиядагы беш өлкө менен стратегиялык өнөктөштүктү тереңдетүүнү ниеттенет. Бул тууралуу АКШ президенти Жо Байден Нооруз майрамына карата Казакстан президенти Касым-Жомарт Токаевге жолдогон куттуктоосундо айтканын Казакстандын басылмалары жазып чыгышты. Анда Жо Байден АКШ менен Борбор Азиядагы беш өлкө — Кыргызстан, Казакстан, Өзбекстан, Тажикстан, Түркмөнстан менен «U 5+1» форматындагы стратегиялык өнөктөштүктү тереңдетүүнү кааларын жазган. «U 5+1» диалогдук форматы 2015-жылы АКШ менен Борбор Азиядагы беш өлкө — Кыргызстан, Казакстан, Өзбекстан, Тажикстан, Түркмөнстандын ортосунда экономика, экология жана коопсуздук боюнча аймактык маселелерди биргелешип чечүү максатында түзүлгөн.