"137 аскер каза болду". Зеленский бир күн ичинде жоготуулар боюнча маалымат берди
Биринчи күндө 137 украин аскери каза болгонун Украинанын президенти Владимир Зеленский билдирди.
"137 жараныбыз, баатырларыбыз курман болду, анын 10у офицер. 316 жаран жарадар болду. Змейный аралында бардык чек арачылар баатырларча курман болушту, бирок чегинген жок. Бардык каза болгондорго "Украинанын Баатыры" наамы ыйгарылат", — деди ал.
Буга чейин Украинанын Саламаттыкты сактоо министрлиги (Киев убактысы боюнча саат 21:00гө карата) 57 аскер жана тургундар набыт болгонун билдирген.
