Улуттук банк былтыр 30 килограмм алтын саткан
Улуттук банк былтыр куйма түрүндө болжол менен 30 килограмм алтын саткан. Бул тууралуу Жогорку Кеңештин Бюджет жана финансы боюнча комитетинин кезектеги жыйынында Улуттук банктын төрагасы Толкунбек Абдыгулов билдирди.
Эл өкүлү Саматбек Ибраев ага "30 килограмм алтын калктын сатып алуу жөндөмүнүн чегиби?" деген суроо узатты. Абдыгулов билбей тургандыгын айтып, алтын же доллар сатып алууну же сом менен сактоону адам өзү чече тургандыгын кошумчалады.
