Министрлер кабинетинин төрагасы Улукбек Марипов Казакстандын Кыргыз өлкөсүндөгү элчиси Рапиль Жошыбаевди кабыл алды. Бул тууралуу министрлер кабинетинин басма сөз кызматынан кабарлашты. Жолугушуунун жүрүшүндө тараптар соода-экономикалык, маданий-гуманитардык жана башка чөйрөдөгү эки тараптуу кызматташтыктын актуалдуу маселелерин талкуулады. Өзгөчө көңүл Казакстандын аймагы аркылуу жүк ташууну ишке ашыруучу кыргыз жүк  ташуучуларынын унааларынын кыргыз-казак чек арасындагы тыгыны маселесин чечүүгө бурулду. Улукбек Марипов элчини Кыргызстандагы дипломатиялык ишинин башталышы менен куттуктап, жооптуу кызматтагы ийгиликтерди жана жемиштүү ишти каалады. [gallery link="file" columns="1" size="full" jnewsslider="true" ids="51205,51206,51207,51208,51209"]