Кытай Кыргызстанга 40 миң тонна ун жана 20 миң тоннадан шекер жана май жөнөтөт
Кытай Кыргызстанга 40 миң тонна ун, 20 миң тонна шекер жана 20 миң тонна өсүмдүк майын жөнөтөт. Бул тууралуу министрлер кабинетинин төрагасы Улукбек Марипов парламенттин агрардык саясат, суу ресурстары жана региондук өнүгүү боюнча комитетинин отурумунда билдирди.
Анын айтымында, өкмөт азык-түлүк коопсуздугун камсыз кылуунун үстүндө иштеп жатат. «Бир-эки кишини күнөөлөө менен маселе чечилбейт деп эсептейм. Калк арасында тарифтер, азык-түлүк көйгөйлөрү боюнча бардыгыбыз иш алып барышыбыз керек деп ойлойм. Азыр иш жүрүп жатат. Казакстандан 10 миң тонна ун алып келинген. Кытайдан да күтүлүүдө», - деди Улукбек Марипов.
