Эртең өлкө башчысы Садыр Жапаров журналисттердин суроолоруна жооп берет
Президент Садыр Жапаров эртең, 23-октябрда журналисттердин суроолоруна жооп берүү үчүн маалымат жыйын өткөрөт. Бул тууралуу президенттик аппараттан билдиришти.
Маалыматка караганда, маалымат жыйынга чет өлкөлүк жалпыга маалымдоо каражаттарынын өкүлдөрү да келет. Иш-чаранын жүрүшүндө мамлекет башчысы өлкөнүн негизги социалдык-экономикалык көрсөткүчтөрү тууралуу маалымат берип, ЖМК өкүлдөрүнүн суроолоруна жооп берери күтүлүп жатат.
