11-июлда өтө турган Бишкек шаардык кеңешке 18 партия тиешелүү документтерди тапшырды. Партиялардан 1371 талапкер көрсөтүлүп, анын ичинен 1258 талапкер каттоодон өттү. Муну менен катар ар кандай себептерден улам 113 талапкер каттоодон өткөн жок. Бишкек шаардык кеңешке катыша турган партиялар:

1. «Эмгек»;
2. «Өнүгүү-Прогресс»;
3. «Туран»;
4. «Биздин Эл»;
5. «Замандаш»;
6. «Столица»;
7. «Жашыл Кыргызстан»;
8. «Ынтымак»;
9. «Биздин Кыргызстан»;
10. «Социал-демократтар»;
11. «Реформа»;
12. «Күч бирдикте»;
13. «Келечек-Будущее»;
14. «Ата-Журт Кыргызстан»;
15. «Ишеним»;
16. «Жаңы-Мезгил»;
17. «Улуу-Журт»;
18. «Айкөл Кыргызстан»

«Социал-демократтар» саясий партиясынын Бишкек шаардык кеңешке депутаттарды кайра шайлоого катышкан жаңы саясий партияларды каттоодон баш тартуу тууралуу билдирүүсүнө ылайык, Бишкек аймактык шайлоо комиссиясы аталган партиянын арызын канааттандыруудан баш тартуу чечимин кабыл алды. Мындан тышкары, «Айкөл Кыргызстан» саясий партиясынын Бишкек шаардык кеңешке депутаттарды кайра шайлоого катышуу үчүн партияны кабыл алуу жөнүндө билдирүүсүн карап, талапкерлердин тизмесинин өзгөрүлбөгөнүн эске алуу менен «Айкөл Кыргызстан» партиясынын талапкерлерин каттоо чечимин кабыл алды.