Буга чейин социалдык тармактын колдонуучусу Ысык-Көлдүн Ананьево айылындагы стоматологиялык клиниканын абалын көрсөткөн. " target="_blank">https://serep.kg/kabarlar/koom/ananevodogu-stomatologiyalyk-klinikanyn-abaly-syrot/">көрсөткөн. Бул боюнча Саламаттыкты сактоо министрлигинен маалымат беришти.

Маалыматта аталган стоматологиялык бөлүм Ысык-Көл облусунун жалпы дарыгерлер практика борборунун курамына киргени айтылат. Имарат 1949-жылы Мамлекеттик банктын имараты катары курулуп, пайдаланууга берилген. 1989-жылы стоматологиялык бөлүм болуп аймактык оорукананын балансына өткөн. 2015-жылы жарым-жартылай капиталдык оңдоо иштери жүргүзүлгөн. Жыл сайын оңдоп-түзөө иштери жүргүзүлөт. 2017-жылдан бери капиталдык оңдоо маселеси көтөрүлүп келет. Бирок бул үчүн акча жок.

«Имараттын начар абалына карабастан, бөлмөлөр толугу менен заманбап жабдуулар менен жабдылып, бейтаптар үзгүлтүксүз кабыл алынууда», - дешти министрликтен. Бөлүмдө алты дарыгер, үч тиш техниги жана үч медайым иштейт.