"Сосновка" жана "Арал" постторундагы чектөөлөр алынды
"Сосновка" жана "Арал" постторуна күйүүчү май ташыган оор жүк ташуучу унааларга киргизилген убактылуу чектөө алынды. Бул тууралуу ӨКМден билдиришти.
Маалыматка караганда, Бишкек-Ош унаа жолунда унаа кырсыктарын, тыгындарын алдын алуу жана болтурбоо максатында 13-апрель күнү саат 19:00дөн тартып Жайыл районунун "Сосновка" жана саат 20:00дөн тартып Токтогул районунун "Арал" постторунда күйүүчү май ташыган оор жүк ташуучу унааларга убактылуу чектөө киргизилген.
"14-апрель күнү саат 07:00дө "Сосновка" постунда киргизилген убактылуу чектөө алынган. Ал эми “Арал” постунда киргизилген убактылуу чектөө саат 08:00дө алынды", - деп айтылат маалыматта.
