Мэрия шаар казынасына 1,5 миллион сом өндүрдү
Бишкек мэриясынын Жер ресурстары башкармалыгы ижарачылардан 1,5 миллион сом өндүрдү. Бул тууралуу мэриянын басма сөз кызматынан билдиришти.
Маалыматка караганда, 2006-жылы "АТК" компаниясы шаардын түштүк-чыгышынан 1,9 гектар жерди 49 жылга ижарага алган. 10 жылдан кийин ишкана жерди пайдалануу укугун «ГС» ЖЧКсына өткөрүп берген. 2021-жылдын биринчи кварталын кошкондо компания мэрияга ижара үчүн 1 миллион 266 миң сом карыз болгон, анын тууму 316 миң 659 сомду түзгөн.
Жер ресурстары башкармалыгы Октябрь райондук сотуна кайрылып, соттун 21-апрелдеги чечими менен башкармалык карыздын баарын өндүрүп алды.
