Кыргызстанда коронавирустун төрт түрү бар
Кыргызстанда коронавирустун Британия (жаңы штамм), Индия, Түштүк Африка (эски түрү) жана Орусиядан келген түрлөрү бар. Бул тууралуу бүгүн, 22-апрелде Саламаттыкты сактоо жана социалдык өнүктүрүү министрлигинен билдиришти.
Ооруп жаткан кыргызстандыктардын арасындагы COVID-19 штаммдарынын түрлөрү аныктоо боюнча терең филогенетикалык изилдөө Бүткүл дүйнөлүк саламаттыкты сактоо уюмунун маалымдамалык лабораториясы жана Роспотребнадзордун "ВЕКТОР" (Новосибирск) вирусология жана эпидемиология боюнча мамлекеттик борбору тарабынан жүргүзүлгөн. Бардык маалыматтар лабораторияга 26-мартта Саламаттыкты сактоо министрлигинин алдындагы Оорулардын алдын алуу жана мамлекеттик санитардык-эпидемиологиялык көзөмөл департаментинин Улуттук вирусологиялык лабораториясы тарабынан жөнөтүлгөн.
Саламаттыкты сактоо министрлиги калкка профилактикалык чараларды так сактоону сунуштайт:
- беткап тагынуу;
- социалдык дистанцияны сактоо;
- антисептиктерди колдонуу;
- оорунун белгилери пайда болсо, дарыгерге кайрылуу;
- өзүн-өзү дарылабоо.
