Кыргызстанда акыркы суткада 430 адам коронавируска каршы эмделди. Бул тууралуу бүгүн, 9-апрелде Саламаттыкты сактоо жана социалдык өнүктүрүү министрлигинин басма сөз кызматы билдирди. Ал эми бүгүнкүгө чейин өлкөдө жалпы 1279 адамга коронавируска каршы эмдөө жүргүзүлдү. Алар: - Бишкек шаарында — 306 адам (соңку суткада – 64 киши); - Ош шаарында — 283 адам (соңку суткада – 10 киши); - Чүй облусунда — 151 адам (соңку суткада – 26 киши); - Ош облусунда — 319 адам (соңку суткада – 175 киши); - Ысык-Көл облусунда — 98 адам (соңку суткада – 34 киши) - Баткен облусунда — 11 адам (соңку суткада – 10 киши); - Нарын облусунда — 111 адам (соңку суткада – 111 киши).