"Кыргыздар тарабынан эч кандай кыймыл болбой жатат" дейт Лейлектин тургуну
Баткендеги абал басаңдабай эле күчөөдө. Бул тууралуу Лейлектин Маргун айылынын тургуну Дөөлөтбек Саалибаев билдирди.
"Арка-1, Арка-2, Достук, Жаштык айылында жаштар калып, жашоочулары башка айылга чыгарылып, тууганы барлар туугандарынын үйүндө турушат. Атышуулар маал-маалы менен болуп жатат. Тажик тарапта 200 БТР бар деп жатышат, ал эми бизде 10 эле БТР бар. Кыргыздар тарабынан кыймыл болбой эле. Көчүрүлгөн айыл жашоочулары кыйналып, тамак-аштар эл тарабынан берилүүдө. Гумжардамдар аз эле келип жатат. Кечинде тажиктер кол салышы мүмкүн деген коркунуч бар", - деди ал.
