ИИМ жетекчисинин мурунку орун басары Курсан Асановдун баш коргоо чарасы өзгөртүлдү.  Бул тууралуу Сереп Медиа агенттигине Бишкек шаардык сотунан билдиришти. Бүгүн, 12-апрелде Бишкек шаардык сотунун чечими менен ал үй камагына чыгарылды. ИИМ жетекчисинин мурунку орун басары Курсан Асанов 26-январда «Имаратты жана курулуштарды басып алуу» беренеси менен кармалган. Аны былтыркы октябрь окуяларында ИИМ имаратын басып алууга шектеп жатышат. Биринчи Май райондук соту генерал-майорду 26-мартка чейин камакта калтырган. Буга чейин да Асанов 5-октябрда массалык башаламандыктарды уюштуруу боюнча ачылган кылмыш ишинин алкагында кармалган болчу. Кийин аны прокурордун өтүнүчү менен үй камагына чыгарышкан. Асанов ошондой эле Кой-Таш окуялары боюнча кылмыш иштин фигуранты.