Акыркы сутка ичинде коронавирус илдети 212 адамдан аныкталды. Бул тууралуу Республикалык штабдан билдиришти.
Аймактарга алып карасак, Бишкекте 152, Чүй облусунда 22, Ош шаарында 4, Ош облусунда 2, Ысык-Көлдө 18, Жалал-Абадда 2, Нарында 12 киши ооруну жуктуруп алганы аныкталды. Коронавирус катталгандан бери өлкөдөгү жалпы көрсөткүч 92 миң 95 адамга жетти.
Ал эми акыркы сутка ичинде 6 киши каза болду. Алардын ичинен экөө Бишкек шаарында, төртөө Чүй облусунда катталган. Ошентип оорудан жакшы боло албай көз жумгандардын жалпы саны 1 миң 555 кишиге жетти.
