Жогорку Кеңештин мурдагы депутаты Өмүрбек Абдрахманов 76 жашында каза болду. Ал 1948-жылы 19-декабрда Жалал-Абад облусунун Акман айылында туулган. 1969-1971-жылдары Советтик армиянын катарында кызмат өтөгөн. 1974-жылы Кыргыз мамлекеттик университетинин комсомол комитетинин катчысынын орун басары болуп эмгек жолун баштаган. 2006-2007-жылдары "Реформалар үчүн", "Бириккен фронт" коомдук кыймылдарынын координатору жана активдүү катышуучусу, ал эми 2008-2010-жылдары саясый эмигрант катары АКШда жашаган. Кыргызстан демократиялык кыймылынын негиздөөчүлөрүнүн бири. "Депутаттык азилдер" аттуу саясый сатиралардын жыйнагынын автору. 2010-жылдын октябрь айында "Ата Мекен" партиясынын тизмеси боюнча Жогорку Кеңештин V чакырылышынын депутаты болуп шайланган. СЕРЕП МЕДИА маалымат агенттиги Өмүрбек Абдрахмановдун үй-бүлөсүнө жана жакындарына терең кайгыруу менен көңүл айтат.