Азыркы мезгилде WhatsApp мессенджериндеги тайпалар аркылуу жашы жете элек баланы белгисиз бир адам сабап, денесине залал келтирип жаткандыгы тууралуу видео тарап кеткен. ИИМдин басма сөз кызматы билдиргендей, 23-февраль күнү Ысык-Ата РИИБге Ысык-Ата районунун Узун-Кыр айыл өкмөтүнө караштуу “Энергетик” дачасынын тургуну 1996-жылы туулган К.Б. арыз менен кайрылган. Ал өзүнүн арызында жарандык жолдошу 1988-жылы туулган К.К.га чара көрүүнү суранган. Себеби ал 2021-жылдын 22-февралда жашы жете элек 2016-жылы туулган К.Н. деген өгөй баласын сабап денесине жаракат келтирип видеого тартып WhatsApp мессенджери аркылуу телефонуна жибергендигин билдирген. Бул факт боюнча Жазык кодексинин 75-беренесинин негизинде сотко чейинки өндүрүш иши катталып, тергөө иштери башталган. Жогоруда аталган факт боюнча 1988-жылы туулган К.К. Ысык-Ата РИИБдин убактылуу кармоочу жайына камалган. 24-февралда даяр болгон соттук-медициналык корутундунун негизинде жашы жетэ элек Н.Кулмырзаевдин ден соолугуна жаракат келтирилгени аныкталган. Аталган окуя боюнча 3-март күнү тергөө аяктап Ысык-Ата райондук прокуратурасына айыптоо корутундусун бекитүүгө жана андан ары Ысык-Ата райондук сотуна жиберилген. Бүгүнкү күндө жогорудагы факты менен соттук кароо жүрүп жатат.