Мексиканын президенти коронавирус жуктуруп алганы аныкталды
Мексиканын президенти Андрес Мануэль Лопес Обрадордон коронавирус аныкталды. Ал 67 жашта. Бул тууралуу президент социалдык тармактагы баракчасына жазып чыкты.
“Тилекке каршы COVID-19 оорусун жуктуруп алдым. Белгилери жеңил, бирок дарыланып жатам. Адаттагыдай эле оптимисттик көз караштамын», - деп жазды президент.
Анын ордуна ички иштер министри Ольга Санчес Кордеро эртең мененки маалымат жыйындарын өткөрөт.
Кийинчерээк президент бүгүн, 25-январда Орусиянын президенти Владимир Путин менен телефон аркылуу сүйлөшүүгө ниеттенип жаткандыгын билдирди.
