Казакстанда жол кырсыгынан акыркы 1 жумада 25 адам каза болуп, ИИМ элге кайрылды
Казакстандын Ички иштер министрлиги өлкөнүн ар кайсы аймактарында болгон үч жол кырсыгынан 25 адам каза болгондон кийин жол кыймылынын катышуучуларына кайрылды.
11-сентябрда Мангистау облусунда кичи автобус оодарылып, 10 адам каза болгон. 14-сентябрда Жетисуу облусунда үч унаа каршы тилкеге чыгып кеткендиктен сүзүшүп, дагы 10 адам каза болду. Караганда облусунда беш адам каршы тилкеге чыгып кеткен жол кырсыгынан каза болду.
"Бул фактылардын ар бири боюнча кылмыш иштери козголгон. Ички иштер министрлиги иликтөө иштерин жүргүзүүдө. Бирок эч кандай тергөө амалдары каза болгондорду кайра тирилте албайт", - деп айтылат маалыматта.
"Биз бардык жол кыймылынын катышуучуларына кайрылабыз: жол каталарды кечирбейт! Ылдамдыкты жогорулатуу, каршы тилкеге чыгуу, кооптуу маневрлар, коопсуздук курун тоготпоо - бул каталар өлүмгө алып келет", - деп билдирди ИИМдин өкүлү жарандарга. Ал ошондой эле жолдогу көзөмөл чаралары күчөй турганын билдирди.
https://youtu.be/63v8iIiIGn4
