Балдар кызыгуу менен көргөн орусиялык "Ералаш" юмордук журналынын көркөм жетекчиси Борис Грачевский 72 жашында коронавирустан улам каза болду. Бул тууралуу орусиялык басылмалар жазып чыгышты. Маалыматка караганда, 28-декабрда Борис Грачевский ооруканага жеткирилген. Ага чейин коронавируска кабылгандыгына байланыштуу ал үйүндө дарыланып жаткан. Бирок илдеттен айыга албай ал каза тапты. Грачевский 1949-жылы 18-мартта Москва шаарында туулган. 1974-жылы драматург Александр Хмелик менен биргеликте "Ералаш" балдардын юмордук киножурналын негиздеген. 1974-1984-жылдары Грачевский "Ералаштын" директору, 1984-жылдан тартып юмордук киножурналдын көркөм жетекчиси катары иштеп келе жаткан. Ал ошондой эле "Чатыр" жана "Нота арасында, же тантрикалык симфония" тасмаларынын режиссёру катары да белгилүү болгон.