Үчүнчү алтын! Акылбек Талантбеков Азиянын чемпиону болду
Акылбек Талантбеков Азия чемпиону болду.
Грек-рим күрөшү боюнча улуттук курама команданын мүчөсү Акылбек Талантбеков Астана шаарында өтүп жаткан Азия чемпиондугунда 1-орунду ээледи. Спортчу 82 килограмм салмакта жалпы 3 беттеш өткөрдү. 1/4 финалда индиялык балбанды 7:1 эсебинде, жарым финалда ирандык балбанды 8:0 эсебинде жеңген. Ал эми финалдык беттеште Казакстандык Диас Кален менен күч сынашып, 3:2 эсебинде утуп Азия чемпиону аталды.
Буга чейин Акжол Махмудов Азиянын үч жолку, Жоламан Шаршенбеков Азиянын эки жолку чемпиону болгон.
