Кытайда 4-20-февраль күндөрү өтө турган кышкы Олимпиада оюндарына бара турган Кыргызстандын делегациясынын курамы белгилүү болду. Оюндарга өлкөнүн атынан бир спортчу катышат, ал - Максим Гордеев. Аны менен кошо Кытайга машыктыруучусу Игорь Борисов да барат. Спортчу 16-февралда тоо лыжасы боюнча жарышка түшөт. Кыргызстандын делегациясынын курамы: Максим Гордеев - спортчу; Игорь Борисов - машыктыруучу; Чолпон Жумагазиева - миссиянын шефи, Кыргыз Республикасынын Улуттук олимпиадалык комитетинин кызматкери; Садыр Мамытов - Кыргыз Республикасынын Улуттук олимпиадалык комитетинин президенти; Кылычбек Сарбагышев - Кыргыз Республикасынын Улуттук олимпиадалык комитетинин башкы катчысы. Бүгүн, 24-январда президент Садыр Жапаров Олимпиада оюндарынын ачылышына катышуу үчүн аралыктан иштөөгө өткөнүн билдиришти.