Месси менен Роналду кайрадан футбол талаасында беттешиши мүмкүн
Лионель Месси менен Криштиану Роналду кайрадан футбол талаасында жолугушу мүмкүн.
Аргентиналык оюнчу ойногон "Интер Майами" португалиялык футболчу ойногон "Аль-Наср" менен жолдоштук беттеш өткөрөрүн расмий жарыялады.
Беттеш 1-февралда Эр-Риядда (Сауд Арабиясы) айлампалуу турнирдин алкагында өтүп, анда Неймар ойногон “Аль-Хилал” да оюн көрсөтөт.
Акыркы жолу Месси менен Роналду ушул жылдын 19-январында ПСЖ менен "Аль-Наср" жана "Аль-Хилал" оюнчуларынан куралган улуттук курама команданын ортосундагы жолдоштук оюнда беттешкен. Анда ПСЖ 4:3 эсебинде жеңишке жеткен.
