Жеңил атлетика боюнча спортчулар Олимпиадага лицензия алышты
Жеңил атлетика боюнча улуттук курама команданын мүчөлөрү Илья Тяпкин жана Сардана Трофимова Парижде өтө турчу Олимпиада оюндарына жолдомо алышты. Бул тууралуу 12-май күнү World Athletics Дүйнөлүк жеңил атлетика федерациясынын сайтында жарыяланды.
Ушуну менен Кыргызстандын куржунунда 13 лицензия болду. Анын ичинде 10 спорттук күрөштүн түрлөрү боюнча, сууда сүзүү боюнча - 1, жеңил атлетика боюнча - 2.
