Иранга учуп барган португалиялык футболчу Криштиану Роналдуну күйөрмандары чуркап, кол булгалап тосуп алган видеолор социалдык тармактарга тарады. Криштиауну Роналду саудиялык "Аль-Наср" клубу менен бирге жергиликтүү "Персеполис" клубуна каршы беттешке учуп келген. Футболчунун күйөрмандары өзгөчө коштоо менен тосуп алышты. Миңдеген күйөрмандар "Аль-Наср" автобусунун артынан көпкө чуркашып, кээ бирлери спортчуну көрүү үчүн мейманканага чейин барышкан. Жергиликтүүлөр футболчуга салттуу перс килемин жана чексиз интернет байланыштагы сим-карталарын сыйга тартуулаган. "Аль-Наср" клубу 19-сентябрда Тегерандын "Персеполис" командасы менен тайпалык этаптын биринчи турундагы беттешин өткөрөт. [gallery link="file" columns="1" size="full" ids="202601,202602,202603"]