Дүйнө чемпиондугу. Мээрим Жуманазарова финалда
Кыргызстандык спортчу Мээрим Жуманазарова Норвегияда өтүп жаткан Дүйнө чемпиондугунда финалга чыкты. Эми ал алтын медаль үчүн күрөшөт.
Спортчу беттешин 1/8 финалдык баскычтан баштады. Анын алгачкы атаандашы кореялык спортчу болду. Аны жеңип чейрек финалга чыкты.
Ал эми чейрек финалдык беттеште канадалык спортчу менен кез келип, аны 7:1 эсебинде жеңип, жарым финалга чыккан. Финалга чыгуу үчүн ал орусиялык балбан Ханум Велиева менен беттешип, аны да жеңип алды. Алтын медаль үчүн болгон беттеш эртең, 7-октябрда болот.
