Бишкекте футбол боюнча өлкө кубогунун финалдык беттеши өтөт
Бишкекте Кыргызстандын футбол боюнча кубогунун финалдык оюну өтөт. Бул тууралуу Кыргыз футболдук союзунан билдиришти.
Беттеш 16-сентябрда Дөлөн Өмүрзаков атындагы стадиондо болот. Оюн саат 20:00дө башталат.
Финалдык оюнда өлкөнүн учурдагы чемпиону жана беш жолку кубоктун ээси Канттын “Абдыш-Ата” менен сезондун жаңы оюнчусу Жалал-Абаддын “Мурас Юнайтед” командасы күч сынашат. Бул финал кубоктун 32-беттеши болот.
